“गृह–सचिवले सरकारी रुपैयाँका बापत मलाई सोधेर चिठी लेखेको छ । प्रधानमन्त्री छँदा चीन र संयुक्त राष्ट्रसँग जाँदा लिएको खर्चको पूरा विवरण मेरो निजी सचिवले दिउको छैन रे । म यहाँबाट यस सम्बन्धमा के भन्न सक्छु र ? मलाई यस सम्बन्धमा केही थाहाँ छैन । आखिर मेरो जिम्मेवारी पनि छैन यसमा । कुमारमणिको जिम्मेवारीको कुरा हो यो ।”
“यस पत्रको उत्तर दिन उचित हुन्छ कि हुन्न भन्ने प्रश्न उठेको छ । हाम्रो संघर्ष आज राजा – जसले वर्तमान शासन व्यवस्थाालाई कायम गरेको छ – सँग छ । पौष १ गते राजाले लिएको कदम अन्याय मात्र होइन कि अवैधानिक पनि छ; तसर्थ त्यस दिनको घोषणाबाट स्थापित सरकारको वैधानिक आधार छैन । यस दृष्टिले यो सरकारसाग कुनै किसिमको पत्र–व्यवहार उचित हुनेछ?”
“तर साथै यो पनि प्रश्न छ कि व्यावहारिक दृष्टिबाट आफ्नो राजनीतिक स्टैन्डलाई कुनै प्रकारको आँच आउन नदिएर साधारण, जस्तै आज मैले पाएको पत्रको उत्तर, किसिमको पत्र–व्यवहर गर्नमा अनुचित छ ? अहिले हडबडी नै के छ र ? केही दिन सोचूँ, यसबारे के गर्नुपर्ने हो ?”
