”दक्षिण भियतनाममा सैनिक विद्रोह भएर जियम र उनका भाइ न्हुँलाई पदच्युत गरेको खबर छ । खबरले हर्ष विस्मात् दुवै भावनाको उदय हुन्छन् ममा । हर्ष यस कुराले कि राष्ट्रपति जियम कट्टर शासक र स्वेच्छाचारी साबित भइरहेका थिए जसले प्रजातान्त्रिक देखौवा ढाँचाको शासन राखे तापनि प्रजातन्त्रका मूल कुराहरुलाई व्यक्तिगत स्वतन्त्रता र नागरिक स्वतन्त्रता (प्रेस फ्रिडम, फ्रिडम अफ असोसिएसन, फ्रिडम अफ रेस्पोन्सिबल अपोजिसन) मखौल पार्नुका साथै तिनीहरुले दमन गरेका थिए । तिनले आफ्नो पारिवारिक शासन कायम गरेका थिए । जब अमेरिकनहरु जो कि दक्षिण भियतनाममा बडो भाइटल इण्टरेस्ट राख्छन् – ले प्रजातन्त्रलाई वास्तविक रुप दिने सल्लाह दिनथाले (तानाशाही शासनले कम्यसनिष्टमाथि विजय प्राप्त गर्न सक्दैन भन्ने उनहरुको सल्लाह), जियम अमेरिका विरोधी हुनथाले । तर सार्थै विस्मात् यस कुराले हुन्छ कि सैनिक शासनले त झन् बढी ताानाशाही कायम गर्ने भयो । तातो कराहीबाट उफ्रेर आगोमा परेको जस्तो । यस विद्रोहमा स्पष्ट अमेरिकाको हात छ । रुसले यो विद्रोहलाई अमेरिकन कारवाही हो भन्नेछ । जियम पनि अमेरिकासाग रुष्ट भएर उत्तर भियतानामसँग सन्धि गर्ने सुरमा थिए क्यारे ।”
