“आत्मवृत्तान्तमा बीपीको भाषा छैन” – रमेशनाथ पाण्डे, ७१

“आत्मवृत्तान्तमा बीपीको भाषा छैन” – रमेशनाथ पाण्डे, ७१

विद्वान रमेशनाथ पाण्डे ज्युले 'आत्मवृत्तान्त' मा बीपीको भाषा छैन" भनेर आज आएर उल्लेख गर्दा पटक्कै राम्रो लागेन I मलाइ लाग्छ बिपि का कुनैपनि पाठकलाइ यो पढ्दा चसक्क गरेको हुनु पर्छ I

'आत्मवृतान्त' केवल बीपीको वृतान्त मात्र होइन I यो आधुनिक नेपालको प्रजातन्त्र र रास्ट्रवाद को लडाईको इतिहाँस पनि हो I मुलुकको स्वतन्त्रता र अस्तित्व जोगाउने संघर्षमा बिपी स्वयम् कसरि सकिनु भयो भन्ने तथ्यलाइ नेपालको भविष्यका लागि पनि सधै एउटा मर्यादित तथ्य का रुपमा कायम राख्नु पर्ने हुन्छ I

'आत्मवृतान्त' प्रकाशित भएको यतिका बर्ष भैसक्यो I यसका बारेमा धेरैले आ-आफ्नो टिका टिप्पणी मिडियामा सार्वजनिक गरेका छन I यो कुरा कहिल्यै कसैबाट आएको देखिदैन I स्वयम् पाण्डेज्युले नै पनि यो अवधिमा दर्जनौ लेखहरु लेख्नु भएको छ I तर यसबारे किन आज आएर यत्रो ठुलो सार्वजनिक टिप्पणी ?

यसै पनि यो पुस्तक 'कन्भर्सेसन' मा आधारित पुस्तक हो I यसलाई प्रस्तुत गर्दा सम्पादकको भूमिका धेरै महत्वपुर्ण हुन्छ भन्ने कुरामा असहमत हुनु पर्ने अवस्था छैन I रेकर्ड गर्दाको परिस्थिति पुस्तकका सम्पादक बरिस्ठ अधिवक्ता गणेशराज शर्मा ज्युले प्रस्ट रुपमा उल्लेख गर्नु भएकै छ I "जेल जर्नल" र अन्य प्रकाशित सामग्रीमामा लेखिएका कुरा र यसमा प्रस्तुत तथ्य कतै बाझिएको पनि देखिदैन I त्यसो हो भने "आत्मवृत्तान्त मा बीपीको भाषा छैन" भन्नुको तात्पर्य के हो ?

पाण्डेज्युले "मैले यसबारे एकपटक [पुस्तकका सम्पादक] गणेशराज शर्मासित पनि सोधें । उहाँले ‘मैले अलिकति सम्पादन गरेर यताउति गरें’ भन्नुभयो । त्यो यताउति भनेको के हो ?" भनेर आरोप पनि लगाउनु भएको छ I उहाँलाइ केहि शंका छ भने प्रस्ट रुपमा आफ्नो शंका सार्वजनिक गर्नोस न त ? उहाँको शंकामा सम्वन्धित सवैले सरोकार ब्यक्त गर्ने थिए । बौद्धिक परम्पराको निर्वाह पनि हुने थियो I

मलाइ के कुराको खेद छ भने उहाँले "आत्मवृतान्त" को 'क्रेडिबिलिटी'मा र गणेशराज शर्मालाइ यो बेलामा आएर आरोप लगाउनु भएको छ, जुनबेला गणेशराज शर्मा भौतिक रुपमा हामी माझै भएपनि स्वास्थ र निको नहुने मस्तिस्क पिडाका कारण उहाँको यो गम्भीर र गलत ब्याख्या हुनसक्ने 'स्टेटमेन्ट' लाइ जवाफ दिन सक्नु हुन्न I यस्तो हुनुहुदैन थियो I

विपिन अधिकारी, गौरीघाट, काठमाडौँ